انا نورهان فى الصف الثالث الثانوى، الحكايه بدأت معايا لعب وتسليه
لما كنت بقلب فى الفيس وشفت بالصدفه فى الجروبات المقترحه
جروب أسمه تعليم السحر الاسود، أسم الجروب شدنى وقلة اشترك فى من باب التطفل مش أكتر.
ويارتنى ما فكرة والا شفته بمجرد ما دخلته لقيت عالم غريب ورموز
وصور كتب قديمه فيها صور بيقولو أنها صور جن.
الحقيقه انا في الأول قلة ايه العالم المجانين دول الى أن وجدت في الجروب واحده مسميه نفسها ام عائشه المغربيه كانت منزله صوره من كتاب قديم في مربع كبير مقسم بداخله الى مربعات صغيره ومكتوب داخلها رموز وأرقام وكاتبه على الصوره طريقة عمل سحر للعصبيه، عصبيه! هو في حد يعمل سحر لحد عشان يبقى عصبى؟
معرفش ليه وقتها أفتكرة مريم صاحبتى وهدؤها المستفذ، قلة لنفسى اكيد مش هيحصل حاجه يعنى لو خليتها عصبيه شويه بدل البرود الى هي في ده، وعموما انا مش مصدقه أصلا ان الكلام ده حقيقى بس هجرب ادينا بنتسلى.
بدأت أقرأ التفاصيل وعرفت انى محتاجة حاجه تكون مريم مسكتها وفيها ريحتها أو ممكن نعمل السحر على صورتها.
سهله صورها كتير معايا، انا هجرب واشوف الموضوع حقيقى والا لا.
بالفعل قريت الطريقه كويس وجبت صوره لمريم من الصور الى عندى
ونزلت اشتريت زعفران أحمر من العطار و بسن عود كبريت بدأت اكتب
بالزعفران على ظهر الصوره رسمة المربعات وكتبت أسمها وكتبت الرموز المطلوبه وولعت البخور إلمطلوب والى لفيت كتير لحد ما لقيته
وبدأت في الطقوس المطلوبه وطبقت الصوره على شكل مثلث بقا شكل
الأحجبه إلى كنت بشوفها فى الافلام وشلتو فى درج مكتبى.
تانى يوم كان عندى درس فيزياء انا ومريم فؤجئت أثناء الدرس لمريم
على غير طبيعتها متعصبه جدا مع الجميع لدرجة أنها شتمت المدرس ومن غير سبب رحت عليها أهديها وأقولها مالك ايه معصبك كدا فوجئت أنها بتقولى: وانتى مال أهلك انتى مالى والا مليش.
معقولا دى مريم؟ كل ده بسبب إلى عملته؟
خفت عليها جدا حسيت انها ممكن تحصلها مشكله وهكون انا السبب.
انا كنت بهزر مكنتش عارفه ان الموضوع هيقلب جد كدا.
طلعت الموبايل بسرعه ودخلت على الجروب أشوف ح فيل الكارثه دى
عرفت أن الحل أن العمل إلى انا عملته لازم ينفك بأنه يتغرق فى ميه بملح.
فعلا رجعت البيت جرى وخد صورتها وحطتها فى مياه بملح وقريت عليها المعوذات والفاتحه وأية الكرسى وكنت خايفه قوى، انا مكنتش أقصد، انا اصلا مكنتش مصدقه أستغفر الله العظيم.
وظلت تبكى وتستغفر طول الليل حتى أتى وقت المدرسة وذهبت مسرعة لأرى صديقتى واطمئن عليها، وبالفعل رجعت لهدؤها بفضل الله، وانا عملة حظر للجروب ده عشان مشفوش تانى واستغفرت ربنا ووعده أنى مش هعمل كدا تانى.
لو القصه عجبتك متبخلش علينا بالشير ومنشن لاصحابك إلى بيحبو النوع ده من القصص.
#محمد_شعبان_جيوشى
#قصص_رعب